Versjtopt
'ne Loodgieter wedt midde in de nach ópgebeld durch d'r dókter:
"Kintd'r direk koame, mieng wc is versjtópt?"
"Jao mèh, dókter, da kin ich toch ooch mörge koame."
"Wentd'r mich midde in de nach belt, mót ich ooch direk koame, dus komt mer sjnel."
D'r loodgieter deet zich d'r jas uvver d'r pyjama en geet nao 't hoes van d'r dókter.
De wc sjteet pis an d'r rand vol water.
"Wiltd'r dao flot get aa doa?" vrugt d'r dókter, "dat kint toch zoe neet blieve."
D'r loodgieter holt 'n sjtrip mit Aspro oet de binnetesj en lut éé pilke in d'r vólle pót valle
en zèet: "Rustig wachte pis mörge en went 't dan neet uvver is, effe trükbelle."
Hond
D'r nuje pósbode kumt nao e paar sjtraote mit gewoon hoezer
an e groeët hoes mit 'ne sjunne groeëte gaat.
Bie 't breerke bliefte toch mer effe sjtoa, want an de ander zie
kumt ópins 'ne wustige hónd óp 'm aafrenne, dèe bletsjt offe 'm geet ópvreëte.
Went d'r hónd mer blieft bletsje, geet boave 'n vinster oape
en ing vrouw mit de królsjpange nog in de haore rupt:
"Kóm mer wier, pósbode, dèe hónd deet uch niks, dèe is gekastreerd!"
"Nou ja, medam, " rupt d'r pósbode da trük
"ich bin neet zoe zieër bang datte mich dikt, mè mieë datte mich biet."
Sofa
Twieë vrouwlüj sjtunt al minstens 'n haof oer uvver de higk mit ee te moelle.
Ze höbbe hos alles al d'r durch gesjtrupt, en ópins geet 't uvver sex.
"Jao, vrouw Muldesj, dat mót ich zigke, mienge Harie dèe kint evvel lekker lekke."
"Onder ós gezag, vrouw Mèhlkóp, d'r Sjeng va mich deet dat ooch wal 'ns.
Wunderbar! Alling, 't kost mich hos ummer e paar nylons."
"Wie mót ich dat zieë, vrouw Muldesj?"
"Ja, witd'r, mit die sjrüfkes van d'r bril."
"Mè, da dootd'r 'm 'n nüj kier dèe bril toch aaf!"
"Nee, vrouw Mèhlkóp, dat noeëts mieë! Dat höb ich íng kier gedoa
en doe haate mich e gans loak in d'r sofa gevreëte."