D'r Ayrton Senna is veróngelukt en kumt bie d'r Petrus aa. Dèe lut 'm direk nao binne en vertilt 'm wie 't zoeal geet in d'r hieëmel, en woe'e zich aa te hotte haat.

Es litste maogte dan nog keze tussje 'ne fiets of 'ne brommer. 't Zunt jao grellige aafsjtande in d'r hieëmel, dao haat d'r Senna vreuger ooch noeëts bie sjtilgesjtande.

Heë keest vör d'r brommer. 'n Fiets vingte toch wal al te langzaam vör 'ne coureur. "En dink d'raa datste dich sjun an de 50 hils!" zèet d'r Petrus nog jüs vör datte voetvuurt "andesj biste dèe brommer zoe wer kwiet, coureur of neet."

En zoe broest d'r Senna óp zie brömmerke durch d'r hieëmel, tussje al die ander lüj durch óp brommer of fietske.

Opins sjnäört toch inge langs 'm mit 'ne Ferrari Testarossa

mit zieëker 150 óp d'r tiller; inge mit 'ne baad en tsemmelige lang haore. En tieën menute later nóg ins. Dat wedt 'm toch te gek. Heë es aod-coureur óp 'ne brommer sjtriepke fieftig en dèe flabbes mit 'ne Ferrari langs alles durch. Heë drieënt direk um en vuurt nao d'r Petrus.

"Ja, jóng," zèet dèe, wente oetgesjoebd is "dao höb v'r 'n oetzóndering vör motte make, dat is d'r zoon van d'r baas."