Milva
Eind jaore zestig is 'ne kapitein van de Milva óp 'ne mondigmörge onderwèeg mit e peloton vrouwlüj.
't Is sjun wèer en d'r sjnauts hult good d'r gank d'r in:
"Lings...,wee...,rrrie...,ieëeeer!
Nao 'ne kilometer of twintig kaome ze durch e klee dörpke.
't Is dao zoe sjtil, datste de sjoon van 't pilleton good kins hure lope.
In de Dörpssjtraot is d'r kapper 's mondigs ummer gesjloate
en d'r goo miensj is achter zie hoes de ópbrings van de ganse weëk an't verbrenne:
alle kleure haore en 'ne hoop van die papiere kregkes.
Dat kinste natuurlek ruke pis in de Dörpssjtraot.
"Lings...,wee...,rrrie...,ieëeeer!
Dà kriet d'r kapitein de brandlóch in de naas.
"Peloton, halt!.........Dames, 't gaat toch niet te hard???"
Sigare
Boave an de trap van 'n óndergronds Openbaar Toilet sjteet 'ne ouwe man mit kiske sigare ónder d'r erm.
D'r veerde dèe heë asjprikt is ooch 'ne bèvetige ouwe miensj.
"Meneer, wiltd'r mich esteblif effe helpe mit pisse,
ich höb alle twieë de heng sjtief van d'r rimmetiek
en ich mót zoe nuëdig! Wentd'r dat wilt doa, krietd'r ooch 'n goo sigaar va mich, jao?"
D'r man dinkt: "Went 't dích later oeëts zoe geet,
biste ooch gèer gehólpe." en geet mit 'm aaf.
An d'r bak deete 'm mit zieng bèvetige heng de gulp oape,
holt 't piemelke d'roet en richt óp 't midde van d'r bak.
D'r man mit de sigare is vroeë datte 't kint laote lope,
mè bie ouwer manslüj doert 't pisse tsemmelig lang
en al dèe tied sjteet d'r andere man mit dat piemelke i gen heng te bève vör d'r bak.
En ópins zèet d'r man mit de sigare :
"Wentste zoeë nog effe durchgees, kinste và mich de ganse kis kriege!"
Waardeloos
In e patereklóster van ing of ander sjtreng orde maoge ze 't gans jaor neet kalle. Alling mit nüjjaor maogt idder jaor ínge pater kót get zigke.
Dit jaor zèet d'r pater Archangelus, went ze de middig eëte: "Broeders in Christus, de soep was dit jaar waardeloos!" En dao mótte ze 't dà wer e gans jaor mit doa. In sjtilte wirke, sjrieve en lèze ze e jaor lank neëve'ee en dà is 't wer nüj-jaor.
Went ze de soep óp höbbe, zèet d'r pater Willibrordo: "Ik sluit me van ganser harte aan bij de vorige spreker." En dà beginne ze an e nüj jaor vól sjtilte.
D'r volgende nüjjaorsdaag zit d'r pater Prior óp 't puntje van d'r sjtool en koom haat d'r ieësjte de soep in d'r telder of heë zèet: "Dat eeuwige gezeur over die soep moet maar eens afgelopen zijn."