Koppieng
'ne Man kumt bie d'r drogis nao binne um condooms te hoale.
Datte nog effe mót wachte vingte gaar neet erg,
dà kinte nog get róndkieke, woe ze in 't rik sjtunt.
Zoemér helóp condooms vraoge vingte toch wal vervèlend.
Wente an de beuët is, zèete: "E pekske Saridon esteblif"
en mit dat d'r drogis de Saridons pakt "...en zoe duëske van wat d'r neëve sjteet.!"
En gans kontent, dat 't zoe gemekkelig is gegange, geete nao heem.
De volgende kier deete dat wer zoe en de kier d'róp ooch, en 't geet nog ummer good.
Mè wente dà wer 'n kier zèet: "...en zoeget wat d'r neëve sjteet."
drieënt d'r drogis zich um en zèet: " 't Geet mich waal niks aa, hier,
mè wentd'r dao zoe'n koppieng van kriet, zou ich 't toch mer laote!"
Sjtrikke
'ne Man kumt 'ne poef in en vrugt wie ummer nao 't Sylvia.
"Dat is óp kamer 8" zèet de poefmedam "wentste alvas effe wils aafreëkene,
dà kinste goa; 't is noe vrie."
D'r man wit woe'e mót zieë en geet nao boave.
Bie kamer 7 dinkte "Wat zou hie loos zieë?
Hie sjpelt d'r radio!" en sjtillekes deete de däör oape.
Zoeget haate nog noeëts gezieë, ooch neet in 'ne poef.
Dao liegkt 'ne bloeëte, forsje keël óppen rugk e book te lèze
en boave óp 'm zit e jonk vruike te sjtrikke.
Heë geet mer flot nao kamer 8 en makt zich zie plezeerke.
Wente wer óp d'r gank kumt kiekte nog 'ns sjtiekem in kamer 7.
En dao zit 't kink nog ummer te sjtrikke.
"Went ich 'ns vraoge maog," zèete an de poefmedam
"wat is óp kamer 7 loos, dao zit ee al d'r ganse tied te sjtrikke?"
"Aoh, dát," zèet de medam "dat is nog gans nüj, dat zit nog óp d'r lees."
Marcus II
Langs d'r autoweëg sjteet 'n jóng nón te lifte
en d'r chauffeur van 'ne groeëte vrachwage sjtópt en numt häör mit.
Went ze zoe e tiedje an't vare zunt, kriete ópins zin um 'ns get mit dat zusterke te sjmoeze;
't is neet alling e jónk mè ooch e richtig net vrommesj.
Gans vörzichtig lèete häör 'ns 'n hand óp e knee,
mè zie zèet direk :"Denk aan Marcus II, vers 26!"
"Oeww," dinkt heë "dat zal neet zoe gemekkelig goa, die begint al direk mit d'r biebel."
Mè 'ne kilometer of tieën wier probeerte 't toch nog mer 'ns.
't Is ooch zoe sjun vrommesj.
De zuster zit jüs get nao boete te kieke, mè went ze zieng hand veult,
zèet ze wer: "Denk aan Marcus II, vers 26!"
"Noe zal ich 't vör hüj mer vergeëte. " dinkt d'r chauffeur,
hult de heng wier an 't sjtuur en de nón sjtapt oet woe ze zieë mót.
Wente 't sovvends heem kumt, wilte toch ieësj wal 'ns wete,
wat noe mit dèe Marcus loos is.
Heë mót effe zeuke nao d'r biebel, mè dan vingte Marcus II.
En in vers 26 ziete dà sjtoa: "Ga zó dóór, mijn zoon, gij zijt op de goede weg!"