Sinterklaos
In d'r Sinterklaostied maoge de kinger van d'r meester Moonen väöl tekene. Hüj mótte ze 'n sjun tekening make uvver e Sinterklaoslidsje en went ze veëdig is, d'rbie vertille woe 't uvver geet.
D'r ieësjte dèe bie d'r meester kumt, haat e paar beum mit d'r mond d'r tussje:" Zie de maan schijnt door de bomen....." D'r twidde ing prachtige sjtoomboot: "Zie ginds komt de stoomboot..." en zoe höbbe ze allemaol wal get getekend.
Ing van de litste is 't Rogerke. Heë bringt ing tekening nao väöre van e groeët bid mit 'ne man en 'n vrouw d'rin.
"En jóng," zèet d'r meester "dat is toch zieëker gee Sinterklaoslidsje!"
"Mè jaowaal, meester :"'tis 'n vreemde zeker, die verdwaald is zeker...."
