Kapper
D'r kapper is 'ne man an't sjère mit väöl sjoem en zoe groeët sjerp mets.
Opins ziet d'r man 'ne hónd neëve zienge sjtool zitte. Dèe kiekt 'm 'ns gans vruntelek aa.
"Is dèe hónd van hie?"
"Jao, meneer, dat is mienge Boris."
"Kumt dèe wal dikker in de zaak?"
"Iddere daag; dat vingte leuk."
"Wat is dao noe leuk aa vör 'ne hónd in 'n kapperszaak?"
"Och meneer, dat zal ich uch zigke.
Heë vingt 't leuk um tussje de lüj te zieë
én zoe aaf en toe vilt nog wal 'ns 'n uurke vör 'm aaf."
Anus
D'r Sjo kumt bie d'r dókter en vertilt datte de litste daag nogal las haat van de derm.
D'r dókter ónderzeukt 'm en begint te sjrieve.
Bie de apothieëk kriete dan e duëske mit pille en ze zigke d'rbie
datte twieë maol d'r daag ing in d'r anus mót duje.
Heemgekómme vrugte direk an 't Netta of dat soms wit woe ze d'r anus höbbe?
"Nee", zèet 't Netta "veër höbbe ginge anus, da mus ich 't toch wete.
Mè, vraog 'ns bie de naobere, mesjien hant die wal inge."
"Nee jóng," zèet 't Bertha, went d'r Sjo 'm vrugt of zíe soms 'ne anus höbbe,
"die modern prulle, dao hotte veër os neet an óp. Dao kin ich dich neet mit helpe."
Gans mismeuëtig geet d'r Sjo mer wer nao heem.
"Ich maak dich nog 'ns 'ne flinke pót kamillethee," zèet 't Netta
"dat hulpt toch ooch ummer good."
Twieë daag later kumt d'r Sjo d'r dókter teëge.
"En Sjo, wie is 't d'r mit?" "Och, dat zal ich uch zigke, dókter," zèet d'r Sjo
"mit d'r kamillethee van mie Netta is 't noe gans uvver,
mè - ierlek gezag - die pille van uch, die houw ich mich jüs zoe good i gen vót kinne sjteëke!"
Probere
Went d'r Jean nao ge bid geet, ziete 't Maria poedelrüe vör d'r groeëte sjpegel sjtoa.
't Sjtriekt zich 'ns uvver de bröskes en zucht 'ns deep.
"Mè kink, wat is mit dich?" zèet d'r Jean gans bezörgd.
"Och jóng, dat witste toch al lang. Ich ving ze ech väöl te kling.
Dat kinste toch ging tiete neume.
Witste dao noe ech niks vör um die 'ns get groeëter te kriege?"
"Tja," zèet d'r Jean da "doe kins 't 'ns mit wc-papier probere.
Iddere daag e paar kier flink d'r tussje óp en neer vrieve mit e paar velkes papier."
"Miengste dat dat zal helpe? Wie kumste an zoeget?"
"Tja..., ich mieng bie dieng batse haat 't toch ooch gehólpe."