Sjake

D'r Maurice is 'ne fanatieke sjaker en heë zit an de vinster in d'r kaffee.
Heë sjpelt teëge d'r Jules.
Dan ziete 'ne doeëdewage aakoame mit volgauto's.
Heë geet sjtoa en blieft zoe mit d'r kop geboage sjtoa, bis ze langs zunt.
"Jong, dat waor toch waal e sjun gebaar,"
zèet d'r Jules, wente wer geet zitte "dat ziet me neet dik mie."
"Och ja," zucht d'r Maurice, "v'r zouwe de komende weëk twintig jaor getrouwd gewes zieë."

 

Gezondheed

'n Man zit in 't vleegmesjieng de gezit te lèze en mot opins flink neze.
Heë trikt de rits van de brook oape en vèegt zich mit d'r zakdook d'r piemel aaf.
Da geete wer wier mit lèze.
Nao 'n menuut of vief mot'e wer neze en wer kumt d'r zakdook d'raa te pas.
Wente de driejde kier geneesd haat, wedt 't de vrouw neëve 'm toch te väöl:
" Meneer, dat is toch ech onfatsoenlek, watd'r dao doot!"
"Sorry, mevrouw, mé ich höb 'n ganse raar krenkde; went ich nees, kom ich op de seconde al klaor."
Dat ze zoe ierlek antwoad zouw kriege, houw de vrouw neet verwacht, en ze vrugt bezörgd:
" Erme man, wat lestig……! En…..eh, wat paktd'r daovör?"
Heë:" E klee sjnüfke peëper."

 

Peëdrieje

 

Peterke löpt midde in de nach uvver d'r gank
um zich e gleske water te hoale op de badkamer.
Bie de sjlaopkamer van d'r pap en de mam huurte allerhand geluide.
Heë kiekt 'ns um d'r hook en ziet de ouw lüj flink bezig.
En ier d'r pap get kint zigke, rupt 't Peterke al:"Joepie!!!!
Maog ich op de rugk zitte? Dunt v'r peëdrieje."
D'r pap is al lang vroeë, dat'e ging lestige vraoge hooft te verwachte, en geet akkoad.
't Peterke klumt bie d'r pap op de rugk en dèe geet wier woe'e waor gebleëve.
Nao e tiedje begint de mam te küme en da zèet 't Peterke:
"Hot dich noe mer good vas, pap, want went ze zoe gek geet doa,
wedde d'r milkboer en ich mitstal d'raaf geworpe."