Verkes
Willem Alexander bezeukt 'n modelboerderie en da is de pers natuurlek ooch dao.
De jonges make väöl foto's en went ze ooch ing make bie de verkes zèet d'r prins:
"En noe neet zoeget onnuëzels d'ronder zitte wie: "W.A. tussen de varkens"
Sjteet d'r volgende daag oetgereëkend die foto in de gezet en d'ronder:
" Derde van links Willem Alexander"
Gorilla
Op 'ne goo mörge kiekt d'r Sjaak nao boete en wat ziete dao ? 'ne Gorilla in d'r gaat!
D'r Sjaak pakt zich d'r huvebül van d'r klinge jóng, deet de vinster óp en begint mit huve nao dèe gorilla te werpe.
Mè dèe löpt pis achter in d'r gaat en klumt in 'n hoeëg den.
Dao mót d'r Sjaak niks va höbbe.
Heë kiekt in d'r Gouwe Gids en belt 'ne gorillavanger.
Nog gee kwarteer later sjteet dèe al bie 'm in d'r gaat mit e geweër en 'ne giftige keffer an de lieng.
"D'r gaot dat deer toch neet kapót sjete?!" zèet d'r Sjaak.
"Nee jóng, " zèet d'r man "loester, dà zal ich dich vertille wie ich wirk.
Ich laot dich d'r hónd hie en ooch 't geweër.
Ich gaon noe d'r boom in en dà begin ich wustig te rammele.
Dèe gorilla vilt dan oet d'r boom,
n d'r hónd biet 'm direk in de kloeëte en hult vas pis ich wer ónder bin.
Ich ligk 'm an de kitting en nem 'm mit in d'r wage."
"Jao mèh," zèet d'r Sjaak "woevör is dan nog dat geweër?"
"Dat zal ich dich zigke, went ích noe oet d'r boom val in plaatsj van dèe gorilla,
dà mós doe d'r hónd kapót sjete!"
Flót
D'r baas van e bedrief rupt nao 'n weëk wirke d'r Sjeng bie zich óp kantoer.
"Huur, Sjeng, doe bis noe 'n ganse weëk hie en ich mót 'ns mit dich kalle.
't Is mich ópgevalle, daste neet alling langsaam wirks,
mè doe bis ooch langsaam mit eëte, en ich geleuf zelfs datste langsaam kieks."
"Dat klópt allenuj, baas" zet d'r Sjeng.
"Jaomèh, höbste dan ooch nog get woeste flót mit bis?"
"Jao, baas, ich bin flót meug."