Lifte
D'r Jef en d'r Louis sjtunt te lifte.
Opins sjtopt 'ne sjieke Mercedes SLR McLaren Coupé mit e blond sjtuk an 't sjtuur.
Alling….'t kint mer inge persoon mitneëme in dèe coupé.
D'r Louis zèet dat'e wal blieft lifte en d'r Jef sjtapt in.
Nao 'n haof oer wedt d'r Louis van achter igehaold durch d'r Mercedes, mit d'r Jef an 't sjtuur.
D'r Jef vertilt: "V'r waore koom bie dich voetgevare, doe vuurt dat kink e bösjke in,
zit d'r Mercedes sjtil, sjtapt oet, deet zich de bloes en d'r bh oet en daonao nog d'r rok.
Ich wos neet wat ich zoog.
Doe gong ooch nog de string oet en zèet 't: "Pak mer watste wils höbbe!"
En ich höb mich natuurlek d'r Mercedes gepakt, dat sjnapste wal."
" Mé zieëker, jong, " zèet d'r Louis " wat moste mit vrouwlüjskleier?"
Jezus
Drie manslüj lope nao gans get pilskes durch Amsterdam te sjtute, dat ze Jezus zunt.
"Good kieke!" zèet d'r ieësjte en huft de erm igen loch.
Opins gunt de wolke oeteree en wente de erm wer bieëe deet, gunt ze direk toe.
"Gezieë? Ich bin Jezus!"
D'r twidde löpt uvver 'n woonboot en geet an d'r andere kant gewoon wier uvver 't water.
"Gezieë? Ich bin Jezus!"
"Kom mer mit." zèet d'r driejde dan en löpt mit hun e sjträötsje in.
Dan belte bie ing van de dames en wacht.
En mit dat de däör oape geet hure ze: "Jezus! Biste noe alwer dao?!"
Naam
E jonk sjtil haat zich e nüj hoes gegolle, twieë onder ing kap mit 'n koppel van 95 en 92 en dat vinge ze ech leuke lüj.
Went ze ál e bietsje op orde höbbe, vraoge ze hun vör 'n tas koffie en 'ne borrel.
't Vilt al direk op, dat d'r ouwe man zieng vrouw d'r ganse tied aasjprikt mit
sjatteke, poemelke, ruëske en dan wer mit leve, mülke en nog väöl mieë van die leef name.
Da gunt de vrouwlüj effe nao de keuëke de koffietasse voetzitte
en d'r jong zèet: " Nou meneer, wat geweldig,
wie verleefd dat deër nog ummer teëge eur vrouw sjprekt, en dat nao zoeväöl jaor!"
"Sjsjjtt! " zèet d'r ouwe dan " begin dao mer neet uvver woe mieng vrouw bie is.
Ich weet al tieën jaor neet mie wie ze mit d'r vörnaam heesjt."