Wietse

'ne Pruus lacht ummer drie kier vör 'n wiets:
de ieësjte kier went ze wedt vertild,
de twidde kier went ze wedt oetgelag
en de driejde kier midde in de nach wente ze sjnapt.
'ne Belsj lacht twieë kier:
de ieësjte kier went ze wedt vertild,
en de twidde kier went ze wedt oetgelag.
'n Driejde kier lachte neet, want sjnappe zal'e ze toch noeëts.
'ne Limburger zal hos noeëts lache vör 'n wiets: de mitste kinte al.

 

Oma

Dizze mörge is 't Sjengske geboare,
't ieësjte kinkskink van d'r Jo en 't Gerda
en noe zunt ze bie de dochter óp bezeuk um te felicitere en 't Sjengske te bewóndere.
Al ummer mieë lüj kómme hun felicitere, ooch d'r Martien, 'ne goo vrund van de familie.
"Doe kieks gaar neet vroeë," zèete teëge d'r Jo,
wente'm väöl geluk mit d'r klinge jóng gewunsjt haat,
"biste dan neet gruëtsj datste noe opa bis?"
"Och jaowaal," zucht d'r Jo, "mè witste,
went ich d'raa dink dat ich dizzenovvend vör de ieësjte kier
mit ing oma nao ge bid mót....."

 

Bonus

 

Bie 't Marjan geet de bel.
An de däör sjteet 'ne nette man, good in 't pak
en mit 'n aktetesj onder d'r erm.
"Dag mevrouw, ich bin 'ne kollega van d'r Paul.
Heë mos onverwach weg mit d'r direkteur en houw ging tied mie
vör nog effe te belle, en ich mos toch in de buurt zieë, dus…." 
"Och meneer, dat ving ich toch wal fijn van uch, komtd'r effe binne, 'n tas koffie drinke?"
Onder d'r koffie begint d'r man uvver 't sjun hoes en de nette buurt.
"En wat höbtd'r 'ne prachtige gaat vol blomme!
Mè d'r höbt ooch e sjun figuur, mevrouw, dat ziet me neet zoe dik.
Ich gef uch € 1000,- went ich die prachtige tiete 'ns maog zieë"

" Wat 'ne kloon,"dinkt 't Marjan "mè € 1000,- is waal väöl geld, en ginge hoft 't te wete."
Effe later, 't Marjan zit nog haof bloeët op de bank, zèet d'r man:
" D'r kint nóg ins € 1000,- van mich kriege, es ich die tiete ooch 'ns lekker maog vrieve." 
't Marjan kriet de twidde € 1000,- en d'r man vrieft 'ns lekker; wier niks.
Da geete wer weg.
Teëge 'n oer of zes kumt opins d'r Paul nao heem,
deet zich d'r jas oet, sjut zich e pilske in en vrugt:
"Zigk Marjan, is oze boekhouder nog an de däör gewes?
V'r kriege dit jaor allenuj 'ne bonus van € 2000,- kesj."