Mestreech
Op e benkske bie de Maasbrugk zitte twieë ouw Mestreechtenere te klasjenere.
Da komme twieë Amsterdammers langs en vraoge:
"Kunt u ons vertellen, hoe we op 't Vrijthof komen?"
Die twieë kieke zich 'ns aa, mè zigke niks.
"Messieurs, ou est le Vrijthof?"
Ging reaktie.
"Please, sir, could you tell us the way to the Vrijthof?"
Gee antwoad.
"Könnten Sie uns bitte zeigen, wie wir zum Vrijthof gelangen?"
Went dan wer ging reaktie kumt gunt de lüj mer wier.
Zèet dèe inge Mestreechteneer:
"Die lui spraoke wèl hun taole, vinse neet?"
"Jao," zèet d'r andere " mè wat höbse dao-aon?"
Biete
D'r Sjeng is in 'ne poef op bezeuk, en haat al 'ne pries afgemakt.
Ze drinke e glèske en went 't kink zich op de kamer gans oetdeet,
ontdekt d'r Sjeng e paar flinke tiete.
Dat waor 'm ieësj nog neet zoe opgevalle.
"Vör € 200,- extra wil ich dao wal 'ns i biete." zèet d'r Sjeng.
Mè 't medsje reageert neet.
Da vrugt d'r Sjeng 't nog mer ins.
Dan dinkt 't kink "€200,- is väöl geld, laot 'm da mer 'ns biete.
" En 't zèet:"Mè neet te hel, dink d'raa!"
D'r Sjeng begint op zie gemaak die sjun tiete te sjtrieële
en te puëne en nao vief minute dinkt 't kink an 't geld en zèet:
"En….kumt nog get van biete?"
"Ich zal wal gek zieë,"zèet d'r Sjeng "dat kost mich € 200,- extra!"
Taxi
D'r Karl zit zoeget e kwarteer in d'r taxi op wèeg nao heem
en bedinkt zich opins, datte beëter hie al oet kint sjtappe.
Heë wilt nog effe nao de blommezaak e sjun boeket vör zieng vrouw hoale.
Daorum tikte d'r chauffeur op de sjouwer.
Dèe sjpringt op de rem, dat d'r Karl hos durch de vörroet vlügt.
"Sorry meneer,"huurte d'r chauffeur da zigke
"ich mot nog effe wenne, dit is mieng ieësjte rit in 'ne taxi.
Ich höb twintig jaor 'ne liekewage gevare."