Vakantiehulp

 

D'r Guus wirkt es vakantiehulp op de greunteaafdeling van d'r AH in Eindhoven.

Op 'ne daag kumt 'ne man en vrugt 'ne haove krop sjlaat.

D'r Guus zèet, dat ze alling mer ganse kröp verkope, mé d'r man blieft mer zevere vör dèe haove krop.

"Ich zal 't 'ns an mienge chef goa vraoge, " zèet d'r Guus da mer " wèe wit?"

Heë löpt 't kantoer van d'r chef in en zèet : "Een of andere flabbes wilt perse 'ne haove krop sjlaat…" en mit kiekte toevallig um en ziet d'r man in de däör sjtoa. En um zich d'roet te riete zèete hieël sjnel " en dizze meneer wilt de ander helf, kint dat?"

Went d'r klant voet is, krieté van d'r chef e kompliment, dat'e dat good opgelost houw.

"V'r hotte hie wal van lüj die kinne improvisere; woe kumste eigelek vandaan?"

"Oet Helmond, meneer."

"Oh, en woerum biste dao voetgegange?"

"Dao wonne alling mer hoere en ex-voetballers."

"Zo….. mieng vrouw kumt ooch va Helmond."

"Ech woer? Wat leuk! En vör welke klub haat ze gevoetbald?"

 

Get lekkesj

 

Op de Amsterdamse Walle kriege alle dames 'n oetnuëdeging vör de periodieke käöring.

Bie d'r dokter is 't zoe druk, dat ze bis boete op d'r sjtoep sjtunt; get moele, roke en wachte.

Da kumt e aod wiefke zonder teng langs gesjloeffe en vrugt wat te doa is.

't Loulou haat ginge zin um dat precies oet te ligke en zèet : " Sjtrak kriege v'r allemaol get lekkesj van d'r dokter."

"Dat wil ich ooch wal!" dinkt 't vruike en geet achter an de riej sjtoa.

Nao lang wachte kumt 't bie d'r dokter. Dèe kint häör natuurlek neet en zèet : "Mé mevrouw, deër nog? Op ugge lèeftied?"

"Mé zieëker, dokter, biete kin ich neet mie, mé zoeke nog gans good!"

 

Crème

 

Pieke va vief jaor zit in de badkamer op d'r wesjkörf te kieke wie de mam zich opmakt en insjmeert mit crème.

"Mam……woevör is dat allenuj?"

"Dao wedt mamma gans knap van."

Pieke blieft zich dat plamure nog effe bekieke en ziet dan, dat de mam zich wer alle crème van 't gezich aafvèegt en zèet dan: " 't Hulpt neet ech, hé mam?"