Va beukske nao website

Hub Beckers (1946) wònde de ieësjte twintig jaor van zie lève i Gulpe. (en noe al wer mieë es fieftig jaor i Heële).

’t Plat sjrieve lierde heë zichzelf vör zie werk in ’t besjuur van d’r Veldekekrink Um Mamelis. Heë gebroekde vör de sjriefwies ummer de “Aanwijzingen voor de spelling van de Limburgse dialekten” van de hand van Neerlandicus, Jan Notten, ooch wal de Veldekesjpelling geneumd. Intussje zunt die “aanwijzingen” gans vernuujd.

Al es klee kink hoerte zienge pap dik wietse vertille,
die ooch in dèe tied neet ummer eëve braaf waore !

Mit zieng ege wietse haat d’r Hub al minnig-inge pieng in de moel bezörgd van ’t lache, in de koffiekamer oppen sjoeël, op broelef en verjaordaag of nao de proof van ’t zangkoer.

Dik kroog’e da te hure: “Die mòste ‘ns òpsjrieve !” en in 1997 is ’t dan zoe wied: in

            “Isjjj dat noe zjjjoe leuk??? 

vertilt d'r Hub uch ’n dieke hònderdtwintig wietse.
Kotte en lange, sjnelle en langzame, sjuine en ooch van die richtige sjtòm wietse.

In 2008 koom dao nog

“Boeketje Radiole”

bie, mit mië es hònderdfieftig nuuj wietse.

E groeët deel van die twieë beukskes vingste trük op dis site.

D'r Hub wunsjt uch väöl sjpas bie ’t lèze en  …. wiervertille