Dubbeltje
Jaore gelèe, went ze hie in de sjtrieëk de ieësjte wèeg an't tare zunt,
geet e aod vruike mit d'r èzel nao d'r maat i Valkeberg.
Mè wente vör 't ieësjte sjtuk getaarde weëg sjteet, blieft dèe èzel,
vólgelane mit allerhand waar, stilsjtoa. Heë geet ginge meter mie wier.
't Vruike wit ooch neet wat loos is en vraogt an ing van die wirklüj,
wat ze in Herrgottsnaam an't doa zunt dat häöre èzel neet mie wier wilt.
"Dat is taar", zèet dèe keël "e gans nüj tsuig;
dat is grellig duur, dat is dat 't verkier väöl sjneller geet."
"Jah, went dat zoeë is, kintd'r mienge èzel dan neet
vör 'n dubbeltje sjmere, dà löpte mesjien wer wier."
"Dat kint, medam", zèet d'r keël vör de kloeëterie,
lut zich e dubbeltje betale, sópt d'r bessem in d'r hete taar
en kietelt d'r èzel d'rmit ónder d'r sjtoets.
Dèe joenkt 'ns en guft zich an't sjnäöre.
Wie 't vruike dat ziet, huft 't zich de rök óp, bükt zich 'ns gans deep en zèet:
"Zigk, sjmèer mich ooch vör 'n dubbeltje, dan hoal ich 'm mesjien nog in!"
Hieëmel
D'r dominee kumt óp 'ne daag d'r pesjtoer teëge.
Dem kinte gaar neet oetsjtoa, en wente 'm kint sjtange, zal heë dat neet laote.
"Ich höb dis nach gedreumd, dat ich in d'r Katholieke hieëmel waor.
Nou, dat is mich dao toch get sjuns; de lüj lope te lache en te sjandale;
dao wedde wietse vertild of 't niks is en hie en dao zitte ze zoegaar a gen teek te drinke.
Dat hou ich mich toch andesj vörgesjtild."
"Och nee," zèet d'r pesjtoer mit inge grieëmel
"ich dreumde dis nach, dat ich in ugge hieëmel waor.
Dat is evvel sjterk!
Mè dao zieste toch gans get andesj, dat zal ich uch zigke.
Uvveral sjun gades mit väöl blómme, een en al rös en sjieke hoezer."
"En de lüj", vrugt d'r dominee "wie gedrage zich die?"
"Lüj?" zèet d'r pesjtoer "dao zunt gaar ging lüj!"
Gevalle
Pie en Sjeng wandele hoeëg in de Alpe.
Opins ziet d’r Pie, dat d’r Sjeng neet mie achter ‘m löpt.
“Sjeng , biste gevalle…….?”
“Jaoaoaoaoao.”
“Höbste get gebrooooke?”
“Nèeeeeeeee.”
“Hobste pijn?”
“Nèeeeeeeee.”
“Wie kin dat daaaaan?”
“Iech bin nog neet oooooonder!”