Beëter

De nüj typiste is koom inge daag an 't werk, of d'r Lou haat al geregeld, dat ze 'ne ovvend mit 'm oetgeet.

D'r volgende mörge kumte op kantoer, sjtuët zienge kollega aa,

kiekt 'ns väölbetekenend in de richting van de typekamer en zèet:

"Mieljaar wat e vrommesj. 'ne Ovvend wie nog nie!

En igge bid is 't nog väöl beëter es mieng ege vrouw."

 

Drie daag later sjtuët d'r kollega 'm 'smörges aa en zèet:

"En toch klópt dao get neet van watste zags.

't Is vanzelève neet beëter es dieng vrouw."

 

Claus

D'r prins Claus is óp wirkbezeuk in 'n psychiatrische kliniek en went 't ganse protokol is aafgewirkt,

haate nog e uurke tied ier d'r helikopter vertrikt.

"Ich wil nog effe gans alling róndlope tussje de lüj." zeète teëge d'r direkteur

en löpt zoemér 'ne gank in. An 't eind van d'r gank kumte ieëmes teëge en dinkt :

"Ich zal mich an idderinge netjes vörsjtille, patiënt of dókter dat makt niks oet."

Heë sjtikt 'n hand oet nao d'r man en zèet:

"Aangenaam, ich bin d'r prins Claus en ich bin d'r man van de kuningin Beatrix."

D'r man kiekt 'm 'ns vruntelek aa en zèet dan:

"Jao, dat kumt wal good, jóng. Wie ich pas hie waor, dach ich ooch dat ich d'r Napoleon waor,

mè dat höbbe ze mich binne e paar mond aafgelierd."  

 

Vertegenwoordiger

Went alles is aafgehandeld mit d'r boer,
kalle ze nog get nao mit 'n tas koffie en e lekker konjekske.
Opins zèet d'r vertegenwoordiger:
"Höb ich uch al 'ns vertild, dat ich de dere kin versjtoa?"
Went d'r boer dat neet wilt geleuve, gunt ze nao d'r koosjtal.
"Wat zèet 't Nelia noe dan?" vrugt d'r boer.
"Dat 't neet lekker is, wentd'r dik zoe'n kouw heng höbt mit milke."
"Dat kan iddere gek zich bedinke " zèet d'r boer,
"kom, da gunt v'r nao 't peëd hieneëve."
"En, wat rupt d'r Max noe dan?"
" 't Hoofiezer rechsachter zit los!"
"Dat kan gaar neet, ich bin 'n weëk gelèe nog bie de sjmid gewes mit 'm."
Went d'r vertegenwoordiger volhult,
huft d'r boer d'r poeët op en verdomd, 't iezer zit los."
"En noe nog effe nao de geet." zèet d'r vertegenwoordiger, want dèe kriet sjpas d'raa.
Mè d'r boer vlügt vör 'm oet d'r getesjtal in, sjnapt zich de geet,
hult ze mit twieë heng de moel toe en zèet:
"Dink d'raa bieës, 't is al mieë es twieë jaor gelèe en ich waor sjtrontzat!"