Vaas
Op zieëkere daag haat d'r pestoer d'r keplaon oetgenuëdigd vör 'ns lekker bie 'm te koame eëte.
De maat van d'r pesjtoer is 'n goo köchin en ze is 'ne ganse daag neet mie oet de keuëke gewes.
De ierwaarde hiere laoten't zich dèe ovvend good sjmake; de köchin kriet minnig kómplement.
En 't mót gezag zieë: d'r pestoer bedeet zich neet vör 'n goo flesj wien oape te trikke.
Ier ze mit d'r cognac beginne mót d'r keplaon oetgebreid
de verzameling antieke vaze van d'r pesjtoer bewóndere.
Die sjtunt in twieë groeëte kaste mit glaze däöre en nog hie en dao ing óp e töffelke in d'r gank.
Bie d'r cognac roke ze 'n sigaar oet de zóndigse doeës,
en 't is al hos ing oer went d'r keplaon óp heem aa geet.
't Waor richtig 'ne sjunne ovvend.
D'r daag d'rnao, nog vör de vreugmis, geet bie d'r keplaon al d'r tillefoon.
't Is d'r pesjtoëer en heë drieënt neet lang d'r umhee:
"Ich wil gaar neet bewère, dat deër uch gisterovvend
bie mich dèe Ming-vaas geklauwd höbt,
waarde confrère, mè nao uch bezeuk mis ich 'm waal."
"Dat zów kinne, dat d'r dem mist, waarde confrère." zèet d'r keplaon dan.
"En wie wiltd'r dat verklaore? Zów ich dat 'ns maoge wete, waarde confrère?"
"Mèzieëker, zèet d'r keplaon, want ich wil gaar neet bewère,
dat dëer dis nach bie de maat gesjlaope höbt,
mè die vaas liegkt al và gisterovvend in uch ege bid!"
Beer
De groeëte baze van de Heineken, Brand en Gulpener broewerie
gunt nao 'n vergadering nog effe óp e terras zitte um get nao te kalle.
Dà kumt d'r ober en vrugt wat de hiere wille drinke.
"Mich e Heineken." zèet d'r Freddie.
"Gef mich ee woe Limburg gruëtsj óp is." zèet d'r Thijs Brand.
"En deër, meneer Rutten?" zèet d'r ober "toch zieëker e Gulpener !?"
"Nee, nee," zèet d'r Rutten "dooch mich 'ne Cola."
"Wat zigktd'r mich dan noe?" vilt d'r ober oet zieng ról " Cola????"
"Wat miengt deër, went die ander hiere gee beer drinke,
doon ich dat toch ooch neet."
Rolsjtool
In kaffee " 't Lèeg Glaas" zit d'r Harie an de teek,
of lever gezag, heë hingt an de teek.
't Zunt d'r dizzenovvend toch get väöl gewoade
en van d'r Hein kriete alling nog mer 'n tas koffie.
Dan vilte van de kruk aaf en krüpt op hand en voot de däör oet, nao heem.
D'r volgende daag, zoe teëge de middig, zèet 't Billa:
"Doe waors dis nach zieëker wer sjtronshagele vol, hé ?"
D'r Harie kiekt zien vrouw 'ns gans onnuëzel aa
en vrugt:"Wie wits doe dat noe wer?"
"Gans einfach, d'r Hein haat dizze mörge dienge rolsjtool trük gebrach."