Nelissen

 

D'r Nelissen mót vör zie werk dik nao Paries,
en zieng vrouw haat al minnig kier gevraogd, of ze neet 'ns mít kint.
En ummer kriet ze te hure, dat dao niks te belève is,
alling mer vergadere, eëte, sjlaope en wèr vergadere; ech vervèlend.
Mè wie vrouwlüj dat zoe sjpits kriege, óp 'n kier maog ze toch mit nao Paries.
Went d'r Nelissen da trük kumt van zienge ieësjte daag verga­dere,
wilt zieng vrouw wal 'ns get zieë van 't nachlève va Paries.
D'r Nelissen numt häör mit nao d'r nachclub.
"Dag meneer Nelissen!" zèet d'r porteer dao al direk gans vruntelek.
"Zóóóó!? Bistoe hie al zoe bekind?"
"Och ja, dèe man wirkt uvverdaag bie ós óp kantoer,
en dèe verdeent zich hie nog get bie."
Bie de garderobe mót heë zich get andesj laote ivalle, mè 't lukt.
Ze drinke zich 'n flesj champagne en went de stripteasedanse­res vrugt:
"En wèe maogt dizzenovvend 'ns mie slipje oetdoa?",
rupt de ganse zaak:"D'r Nelissen !!!!"
Da wedt 't de vrouw Nelissen toch get te väöl:
"Doe mit dieng vergaderinge! Iddere ovvend zulste hie wal zitte.
Besjtil mèr 'ne taxi ich wil nao heem, noe direk.
Mich al dèe tied get belege!"
Went ze in d'r taxi zitte probeert d'r Nelissen nog get te bedinke,
mè zieng vrouw blieft mèr sjelle en went ze 'm dan ooch nog ing mit de handtesj versöpt,
drieënt d'r chauffeur zich um en zèet:
"Huur meneer Nelissen, went die hoor lestig is, mótd'r 't zigke, da werp ich ze droet."

 

Putje

'n Ouw kóppel kiekt wie ummer d'r ganse ovvend nao d'r tele­visie en gans toevallig kumt 'n sexfilm.
Zónder get te zigke kieke ze die film aaf en da zèet de vrouw:
"Zo jóng ich gaon al mèr 'ns nao d'r püs."
"Jao, ich kiek nog effe nao 't nüjts en 't wèer, en da kóm ich ooch."
Wente dan e kwarteer later de duuster sjlaopkamer ingeet,
liegkt de vrouw poedelrüe op ge bid óp hem te wachte.
"Ich geleuf 't kumt reëge," zèet heë da, " 't putje sjtinkt."

 

Moel

De ganse familie Peërboom haat 'ne hazelip, d'r pap, de mam en ooch 't Sjengske.
Went 't nog mer ing weëk doert pis d'r tieënde verjaordaag van 't Sjengske,
beginte vör de zoeväölste kier uvver "'ne sjunne toert mit tieën ketskes d'r óp".
En dis kier kumt de mam neet mie d'r langs.
D'r toert wedt gebakke en bie d'r koffie gunt ooch die tieën ketskes aa.
Dan mót 't Sjengske natuurlek de ketskes in ing kier oetblaoze.
Mè mit dèe hazelip bluste ummer d'r langs.
Dan mót d'r pap 't mer 'ns probere, mè dem lukt 't ooch neet,
en went de mam ze ooch mit gee geweld oetkriet, geet d'r pap d'r naober hoale.
Die ketskes mótte jao oet óp 'ne verjaor­daagstoert, en in íng kier!
Vör d'r verjaordaag van d'r jóng wilt d'r Pierre hun wal effe kómme helpe.
Heë holt 'ns deep aom, en blust mit diekke wange alle ketskes in ing kier oet.
Mit 'ne "Bedankt wa Pierre." lut d'r pap 'm de däör oet.
"Hei pap, dèe kósjjj dat beëter esjjj veër hè?!" zèet 't Sjengs­ke, went d'r pap de kamer i kumt.
"Jao jóng, mè höbsjjjje ooch gezjjjieë wat dèe vör ing moel trók?"