Liere
'ne Amerikaan, 'ne Pruus en 'ne Italjaan höbbe zich örges an de teek getróffe
en zunt al d'r ganse ovvend same oet gewes.
't Beer haat hun good gesjmakt, dat mót gezach zieë
en óp wèeg nao heem sjlunt ze lachend en zingend
nog mer effe e sjträötsje in woe väöl dames 'n kamer höbbe.
"Mótd'r 'ns good óplitte," zèet d'r Amerikaan ópins "dà zal ich uch 'ns laote zieë wat d'r dollar weëd is."
en direk beginte te rope "American dollars, American dollars!!!"
An alle zieje gunt de gerdienge en de vinstere oape en de dames winke,
datte mer nao binne mót koame mit zieng dollars, en dat deete ooch.
De ander twieë lope wier, mè in de volgende sjtraot begint d'r Pruus ópins te rope:
" Deutsche Mark, Deutsche Mark!!!" en ooch dao vlege de vinstere oape
en d'r Pruus kint keze woe'e nao binne wilt goa.
Gans alling löpt d'r Italjaan dan wier, mè nao e paar menute vrugte zich toch wal aaf
wie 't mit de Italjaanse Lire gesjtild zal zieë. "Lire, Lire" rupte 'ns hieël hel, mè ginge reurt zich.
Nog mer 'ns probere, zoe sjlech kint de Lire toch neet sjtoa! "Lire, Lire!".....
En ópins geet örges gans hoeëg e daakvinsterke oape; en ing ouw vrouw rupt mit krakende sjtim :
"Jungske, wenste hie kums móste al gans get kinne, hie kumt me neet vör te liere!!"
Kleier
'ne Ouwe man kumt in 'ne poef en nao e lekker drenkske zeukte zich e sjun medsje oet um mit nao boave te goa.
't Medsje is flót oetgedoa, dat is dat gewend, mè d'r ouwe man deet get langer d'r uvver.
't Medsje haat zich dat zoe 'ns agekeëke en dinkt :"Ich bin 'ns benüjd wie dat geliek mót goa."
Dà lèet d'r man de ónderbrook en 't himp óp 'ne sjtool, pakt zich de res van zieng kleier mit íng hand bieëe,
deet mit de ander de vinster oape en wörpt de kleier nao boete.
"Mè meneer," zèet 't medsje verwónderd "wat dootd'r mich dan noe???"
"Och juffrouw," zèet d'r man "dat zal ich uch 'ns gauw zigke,
ier ich hie mit uch veëdig bin, zunt die kleier toch al lang oet d'r mode."
Musj
Kumt 'ne man d'r kaffee in mit 'n musj op de sjouwer, en zit zich an de teek.
Heë besjtilt e pilske en 'ne gehaksbal op e sjuttelke mit beer vör de musj.
D'r kastelein is in al die jaore gans get gewend,
mè went die musj d'r driejde gehaksbal mit beer op haat, wilte dao toch wal get mieë van wete.
"Tja," zèet d'r man," dat is eigelek zoeë gekoame:
ich loop durch d'r busj en huur opins e fie sjtimke um hulp rope.
Dat waor e elfje. Dat zoot mit de haore vas an 'ne broamelesjtroek.
Wie ich 't klingt gans vörzichtig houw losgemak, mog ich 'ne wunsj doa."
"E wat höbste dich doe dan gewunsjt?" vrugt d'r kastelein gans nüjsjierig.
" 'n Musj die noeëts genog d'rva kriet."