Papiere

 

't Sofie wedt agehotte vör 'n verkierscontrole en 't is al direk sjtiknerveus.
"Riebewies?"
't Sofie sjravelt va väör bis achter durch de handtesj en kriet 't richtig benauwd.
"Zoe rose papierke mit de foto van uchzelf d'rop!"
't Vingt 't riebewies.
"Kenteke?"
't Sofie sjnäört wer de ganse tesj durch.
"E lichgreun papierke mit d'r noemer van d'r auto d'rop."
Gelukt!
"Greun kaat?"
't Sofie lut van de nerve de tesj van d'r sjoeët valle en al vlügt durch d'r auto.
Da verlüst d'r polies zie geduld. Heë sjtikt 'n hand in zieng gulp en rupt:"Witd'r watd'r mich kint?!"
"Nee, hé," zucht 't Sofie "mot ich noe ooch nog blaoze?"

 

Tesj

 

'ne Man in e sjiek pak haat de groeëtste meute um zieng reistesj 't vleegmesjieng in te drage
en mit hulp van de stewardes kriete ze in 't bagagerek.
De stewardes zucht 'ns en zèet:
"Nou meneer, haatd'r ummer zoe'n zjwoer tesj bie uch?"
"Dat gebäört mich ooch noeëts mie," is t antwoad
"de volgende kier zit ích in die tesj en kan mienge vrund e ticket gelle."

 

Mugke

 

Pamela Anderson liegkt in de bloeëte kont in de zon bie zie ege zjwumbad.
Lekker op de rugk mit d'r sjtruje hood uvver 't gezich.
Kaome twieë mugke agevloage, bekieke zich dat 'ns,
vlege nog 'ns e rundje um die tiete heen
en da zèet de ing teëge de ander:" Zigk, höbs dich dat gedoa?"