Puzzel

'ne Man haat zienge ligkpuzzel eindelek aaf en da rupte gans triomfantelek:
"Wat bin ich toch good!
Ich höb 'm in drie sjtond klaor
en op de doeës sjteet 5 tot 8 jaor!"

 

Viagra

'ne Man van boave de tachtig vrugt zienge hoesarts vör de Viagra.
"Ich hof eigelek mèr ing, dokter, en went dat geet
maogtd'r mich die i veer sjtukke sjnieje."
D'r dokter pakt 'n Viagra oet de la, brikt die mit e metske i veer sjtukskes
en vouwt die in e sjtukske papier.
"Noe motd'r mich alling nog vertille watd'r mot mit e kwart Viagra," zèete dan
"ich zow ieëder dinke datd'r op eure lèeftied neet mie genog höbt an 'n ganse."
"Witd'r dokter, ich dink, dat ich mich mit e kwart Viagra in idder geval al neet mie op de sjoon pis."

 

Jachgeweer

 

'ne Rieke boer vertilt zienge dokter, dat 't zoe lestig geet mit d'r seks d'r litste tied.
Witd'r dokter, wie dat is, da loop ich op mie land, wiet van de boerderie,
en da krieg ich opins grellig zin, en ier ich da wer heem bin, is 't wer uvver."
"Kin ich dich 'ne tip geëve,"zèet d'r dokter "doe guls dich e jachgeweer en dieng vrouw gulste e brömmerke.
Wentste da wer 'ns igge veld bis en doe kries zin, da sjütste iggen loch,
de vrouw huurt dat en kumt direk nao dich mit 't brömmerke.
Alles opgelost!"
E paar weëke later kumt d'r boer d'r dokter teëge.
"En jong, wie is 't mit d'r seks gegange?"
"Tja dokter, in 't begin gong dat good, mè veer daag gelèe is 't jachsezoen begonne."