Zeel
D'r Frens oet Kirkrao wirkt in de haven van Rotterdam en dat bevilt 'm good.
Op 'n daag mot e gans groeët sjip aaligke an de kade woe d'r Frens ooch wirkt.
Op d'r punt sjteet 'ne zjwatte keël gereed mit e diek zeel iggen heng.
D'r Frens van onderop:" Versta je Nederlands?"
D'r zjwatte holt zieng sjouwers op.
D'r Frens: " Parlez vous Français?"
D'r zjwatte holt zieng sjouwers op.
D'r Frens:" Sprechen Sie deutsch?"
Ging reactie.
Litste kans, dinkt d'r Frens: " Do you speak English?"
D'r zjwatte:" Yes, sir!"
"Ja, ouw hoor, da werp dat zeel aaf!"
Reëkene
Drie Belzje, d'r Gaston, d'r Emile en d'r Jakob höbbe same 'ne auto gegolle vör € 24.000,-.
D'r Gaston hat betaald, en de andere motte 'm hun deel trük betale.
Went ze zich inge drinke op d'r koop, sjrieft d'r Gaston achter op e viltje:
3 /24.000\ 17.000
3
21
en zèet daobie: " 3 op de 24 geet in idder geval íng kier, blieft uvver 21,
dat geet nog 7 kier en 't zunt natuurlek waal doezende,
dus ich krieg van uch allebei € 17.000,-"
"Nee, nee," zèet ing van die twieë, "dao klopt get neet!
V'r gunt wal nao mienge broor, Pierre, dèe is good in reëkene."
"Gans gemekkelig," zèet t d'r Pierre en sjrieft onderee:
17.000
17.000
17.000
en telt op: 7 en 7 is 14 en nog 7 'ns is 21
plus 1 is 22, plus 1 is 23, plus 1 is 24,
dus het klopt wat d'r Gaston hat oetgereëkend!"
Sjoepkar
De kreem van d'r Sjarel mot wer 'ns gedikt wedde.
D'r Johan, d'r egenèer van d'r bèer wont an de ander zie van 't dörp.
Dat is neet zoe wiet en daorum laant d'r Sjarel zich de kreem in de sjoepkar en vuurt bis bie d'r Johan.
Dao hofte ginge vieëwage vör.
Mè de ieësjte kier lieëvert niks op en de twidde en de driejde kier ooch neet.
Wente vör de veerde kier wilt goa, belte d'r Johan toch mer ieësj effe op
en mit d'r tillefoon an 't oer kiekte nao boete 't erf op,
en dao liegkt de kreem al in de sjoepkar.