Hand

Zit ‘ne man in e kaffee en besjtilt zich e pilske.
E drinkt ’n kier dra en guft 't dan trük an d’r kastelein: "Dat rükt vies!"
D'r kastelein versjüt va sjrik en tapt d'r man direk e nüj pilske.
Went d'r man 'ne sjloek gedronke haat, zèete: " Dat rükt ooch vies!"
Da zèet d’r kastelein: "Witste watsdoe ins mos doa?
Mit de ander hand drinke."

 

Pieng

"Dokter, went ich hie düj, deet 't pieng, went ich hie düj, deet 't pieng
en hie en hie en hie ooch."
D'r dokter onderzeukt d'r man va onder bis boave en zèet dan:
"Tja, hier, dao motd'r toch effe mit nao de Ieësjte Hulp"
"Juzzes, dokter, wat is loos?"
"D'r höbt d'r vinger gebroake."

 

Sigaar

Zit 'ne man in d'r trein 'n lekker sigaar te roke,
went 'n sjun, jong vrouw de coupé inkumt.
Ze drugt e tsemmelig kot rökske, mè dao is d'r man neet vies van.
Nao e paar menute vrugt de vrouw:
"Meneer, wiltd'r die sigaar estebleef oetdoa, dao kin ich neet zoe good teëge."
"Gee probleem."  zèet d'r man en lut de sigaar oetgoa.
Nao e tiedje geet de vrouw zich 'ns verzitte en
dan ziet d'r man, dat ze gee onderbreukske aahaat.
Heë kiekt ieësj 'ns good en zèet dan:
"Mevrouw, zowd'r estebleef get andesj wille gao zitte?"
"Wiezoeë," is 't antwoad "kintd'r dao neet zoe good teëge?"
"Ich waal!" zèet d'r man en wiest zich op de brook, "mè heë neet!"