Uurkes
Bie de naobere is e kinneke geboare en 't Sjengske maog mit zieng mam goa kieke.
Dat vingte hieël leuk. Alling...de mam haat 'm vertild, dat 't kinneke ging uurkes haat.
en dat de vrouw Franssen dat hieël erg vingt.
Dao maogte dus absoluut niks uvver zigke, want dà kriete sjtraof.
Ze kriege e sjtuk vla mit koffie en limmenaad en dà gunt ze nao boave 't kinneke kieke.
't Sjengske sjteet zich 't kinneke vól aandach te bekieke en zèet: "Sjun kinneke, vrouw Franssen!"
"Jao, hé jóng, dat vinge veër ooch."
De mam van 't Sjengske hult d'r aom in.
"Is 't e jungske of e medsje?"
"E jungske, jüs wiestoe."
"Fijn häörkes haate al, vrouw Franssen."
"Jao jóng, mè uvver e tiedjse valle die oet, en dà kriete wer nuje."
Effe is 't sjtil en dà vrugt 't Sjengske:
"Zigk vrouw Franssen, haate ooch goo uiskes?"
"Dat dink ich waal, jóng, mè woerum vrugste dat?"
"Ja, ich mieng mér, e brilke zal'e wal noeëts kinne drage."
Vissje
Bie d'r V&D vrugt 'ne sjtótterèer nao d'r personeelschef.
Heë wilt es verkeuper koame wirke.
D'r chef wilt 'm 'n kans geëve en heë maogt inge zotterdigmörge
koame probere óp de sjportafdeling.
Dèe mörge is d'r chef erg nüjsjierig wie 't zal goa
en e geet 'ns sjtillekes vanachter e rik sjtoa kieke.
En dà huurte d'r sjtótterèer zigke:
".....eh eh enn 'n goo geët alling is nnnnneet gggggenóg!
Wwwwwent d'r vvvvvisj noe wwwwiet zit, mmmmót d'r 'n b b b b boot höbbe."
"Dat is good ," zèet d'r klant "gef mich ooch mer een boot."
"En en en went d'r vvvvisj noe hiël wwwiet zit,
dà rrrrrroeit d'r uch kapót, mmmmmeneer,
dà kkkkintd'r uch beëter 'n mmmmmm motorboot gelle."
"Jao, dat is woer," huurt d'r chef d'r klant wer zigke "gef mich dà mer lever 'n motorboot."
En zoe geet dèe klant nao heem mit allerhand visjgetuug ónder d'r erm
en de motorboot wedt dinsdig heem bezörgd.
Dan geet d'r chef gans kóntent óp d'r sjtótterèer aaf en zèet:
"Potverdómme, jóng, dat höbste good gedoa!
Mèh.....zigk mich 'ins wat dèe klant es ieësjte vroog, waor dat soms die geët?"
"Nnnnnèe, meneer," zèet d'r sjótterèer "dèe vvvvroog óp welke aafdeling heë
mmmmmmmondverband kós gggggelle en en en doe höb ich gezag:
"Dà hhhhhöbd'r ooch tied vvvvör te vvvvvvissje!" "
Sjträötsje
Twieë jungskes höbbe zich e bietje verlope in de sjtad en opins
zunt ze in zoe sjträötsje mit al die gekleurde lampe in de vinstere.
Dan zunt ze opins twieë hundjes opee zitte en ze blieve mit plezer effe kieke.
Went 't ee hundje d'r vanaaf wilt, geet dat natuurlek wer 'ns neet.
Ze drieëne nog get umee heen en opins, juzzes, dao valle ze 't kelderloak in.
Dan düjt ee jungske op de bel en went boave 'n vrouw an de vinster kumt
en vrugt wat ze motte, zèete: "Mevrouw, 't reklamebord is uch 't kelderloak igevalle!"