Ege hoes

't Is 'n oer of ing, went 'ne blauwe zieng rönde makt durch 't dörp. De sjtraote zunt oetgesjtorve; de mitste lüj liegke te sjlaope. Opins ziete inge sjtoa te vreutele an ing hoesdäör. Dao zal'e toch mer 'ns heegoa.

't Is 'ne zatte dèe d'r sjleuëtel neet in 't sjlót kriet.

"Zigk, wat mót dat hie?" zèet d'r blauwe.

"Gelukkig, 'ne polies." zèet d'r zatte "Kintd'r mich 'ns esteblif helpe, ich kóm mie ege hoes neet mie in."

"Wèe zèet mich datste neet an't ibreëke bis?"

"Noe loester, hier, ...och dao geet de däör oape, kóm mit nao binne dà zal ich uch in 't gans hoes alles awieze. Dat weet ich toch alling mer, went 't mie ege hoes is, of neet?"

......"Kiek, hie zunt v'r in d'r gank en dao is de wónkamer."

"Dat is in idder hoes."

"Kiek, en hie achter is de keuëke."

"Dat is ooch hos uvveral."

"Dà kóm mit nao boave. Dà zal ich dich al wieze. Hie links, ssjj, hie sjlaope de kinger en hie, pssstt, dit is oos sjlaop­kamer, kiek mer, dat is mieng vrouw en .....dat dao.....

dat bin ich!"