Biebelverkeuper

'ne Sjtotterèer gult zich in d'r bookwinkel 25 biebele, en kriet vör zoe aantal flinke korting.
"Wat motd'r noe mit 25 biebels?" vrugt d'r winkeleer.
"Die gggggaon ich l..l..l..langs de dddddäör verkope!"
D'r winkeleer ziet dat nog neet zoe sjnel gebäöre, mè ja, 't is 'ne klant.

D'r volgende daag sjteet d'r sjtotterèer alwer in de zaak vör nüj biebele,
en d'r driejde daag vrugt d'r winkeleer wie d'r man 'm dat lapt.
"Ggggans gggewoon b……belle, vvvvvoot tussje de d………äör en zigke:
d'r kkkkint kkkeze, of d'r gelt 'ne bbbbiebel, of ich llllèes 'm uch gggans vvvvör."

 

Alles dele

 

'n Koppel van diek boave de tachtig geet bie d'r Mc Donalds eëte.
D'r man kumt mit de bestilling nao de toffel: e bruëdje, 'n portie friet en 'ne cola.
Heë sjniejt 't bruëdje precies in twieë en sjuuft ing helf nao zieng vrouw.
Dan kiepte de friete op 't tablet en sjuuft wer de helf nao zieng vrouw.
E drinkt 'ns an d'r cola en zie maog ooch 'ns preuve.
Dan beginte te eëte en zieng vrouw zit rustig te kieke.
Da kumt 'ne jonge keël op hun aaf en zèet:
"Mevrouw, besjtil uch zelf ooch mer get, ich betaal wal."
"Och jong," zèet de vrouw, "v'r zunt al sestig jaor getrouwd en gewend alles te dele."
En ze blieft wachte op d'r man.
D'r jong kumt opnüj en sjtilt vör 'n nüj portie te besjtille vör hun twieë same.
De vrouw antwoadt wer: " V'r zunt gewend alles te dele."
"Mè woerum begintd'r dan nog neet?"
vrugt d'r jong da "woe wachtd'r dan nog op?"
Zèet de vrouw: "Op zie kunsgebit."

 

Köpke

 

E voetballerke van de F-jes haat väöl sjpas an 't sjpil en is ooch wal good.
Ummer wente op de gool aageet lekte zich d'r doem nat,
vèegt zich daomit vör d'r kop en sjüt 'm d'rin.
Dèe doem is nog noeëts ieëmes opgevalle, mè wente bie de jeugd va Roda maogt goa sjpeële,
vrugt d'r trainer 'm nao e paar kier wat dat vör 'n raar gewende is.
"Tja," zèet d'r jong "dat zal ich dich zigke.
Ich höb dat es klee kink 'ns gehuurd an de sjlaopkamerdäör van d'r pap en de mam.
Doe zag de mam: este mer 't köpke nat maks, geete ummer good d’rin.”