Telefoon
Op 'ne ovvend geet 'ne man de däör oet um vör 't sjlaope nog effe e sjträötsje um te lope.
Mè in 't portiek hange twieë hön anée wie me dat wal dikker ziet.
Heë deet 'ns e paar kier "Kssjjjt", me ze kaome neet vanée aaf en gunt ooch neet voet.
Dà beginte zich te ergere, geet nao binne en belt d'r derearts óp, of dèe get wit.
"Werp ze 'ns 'ne emmer kaod water óp de priej, dà laote ze wal lós" zet dèe.
Dat deet d'r man, mè nao get gejoenks is niks verenderd.
Wer belte d'r dókter:"'t Haat gaar niks gehólpe! Witd'r dik nog get andesj?"
"Tja," zèet d'r dókter, "probeer 't 'ns mit heet water, dat mót wal helpe."
Mè niks d'rva. Ze blieve anée hange. En ópnüj belte d'r dókter:
"Kaod water haat neet gehólpe en heet ooch neet,
wat mót ich in Godsnaam avange um die dere lós te kriege?"
"Probeer 't ins mit d'r telefoon!!!" huurte dan d'r dókter zigke.
"Mit d'r telefoon???? Wie mót ich mich dat vörsjtille?"
"Och", zèet d'r dókter dan "doe höbs mich noe ooch al drie kier d'r vanaaf gebeld!"
Widde
'ne Man vult zich d'r litste tied get kloemelig en dinkt:
"Ich gaon 'ns nao d'r dókter en laot mich 'ns gans ónderzeuke,
dà weet ich of mich get mankeert of neet."
D'r dókter drieënt 'm zoeget binnesteboete en guft 'm dan d'r oetsjlaag:
"Uch mankeert gaar niks, d'r zeet huëgstens get meug, mè dat geet wer uvver.
Alling höb ich get óntdekt, wat mer bie hieël winnig manslüj vörkumt: d'r höbt drie kloeëte."
"Jummig, dókter," zèet d'r man " dao höb ich nog noeëts get va gemerkt, is dat erg?"
"Gaaroet neet," zèet d'r dókter "d'r zeet zoe gezónd wie mer kint.
D'r zówt huëgstens nog 'ns 'n widdensjap d'r mit kinne winne,
want dat geluft uch jao ginge, datd'r d'r drie höbt."
Gerusgesjtild geet d'r man óp heem aa, mè ónderwèeg dinkte ópins wer
an die widdensjap woe d'r dókter 't uvver hou.
Bie d'r ieësjte d'r bitste kaffee geete nao binne en bie 't twidde beer gufte d'r man neëve zich ooch ee.
Went dèe zie glaas nao 'm huft, zèete direk: "Zigk hier, zów v'r 'ns widde vör e tientje, dat veër d'r same vief höbbe?"
D'r man drinkt van zie beer, mè bougeert wier neet.
Bie 't twidde röndsje geet 't genau 'tzelfde, mè bie 't driejde verzeuk um te widde haat d'r man genóg d'rva.
Heë huft 't frisj glaas beer umhoeëg en zèet:
"Huur 'ns hie, v'r kínne widde dat v'r d'r same vief höbbe, mè dà mót deër d'r toch al véér höbbe!"
Lope
D'r Frens haat in de discotheek e net medsje getroffe en bringt 'm ooch nao heem.
't Leefste zow'e al direk mit nao binne goa, mè 't kink zèet,
datte nog effe mot wachte, da kint het ieësj kieke, of de ouw lüj ooch sjlaope.
't Geet nao binne en d'r Frens sjeet ongeduldig op d'r sjtoep te wachte,
went boave gans sjtil 'n vinster oape geet.
't Medsje wiezjelt:"Kinste gans sjtil lope?"
"Jao!" zèet d'r Frens gans sjtil trük
"Dat is good! Da loop mer gans sjtil nao heem."