Sjnappe

't Mina en 't Antoinet sjtunt al minstens 'n haof oer uvver de higk mit ee te moelle.

Ze höbbe hos alles al d'r durch gesjtrupt, en ópins zèet 't Mina:

"Wat mich toch dis weëk is uvverkoame, ich sjnap 't nog ummer neet!"

"Vertil!" zèet 't Antoinet.

"Tja, de bel geet, ich doon de däör oape, sjeet mich 'ne vrème keël op d'r sjtoep,

düjt mich direk nao binne, de trap op en de sjlaopkamer in.

Heë wörpt mich op 't bid, riet mich d'r sjlip oet en begint 'ne noemer te make.

Doe trikte zich de brook wer op en geet poepeloestig 't hoes oet.

En ich sjnap nóg ummer neet, wat dèe noe eigelek koom doa."

 

Sjnel

Zitte drie jonges op 't muurke langs d'r sjoeëlplei, zèet d'r ieèsjte:

"Mienge pap is d'r sjnelste van de ganse welt, dèe is F16-piloot."

"Dan is dèe va mich toch ech sjneller,"zèet d'r twidde " want dèe is astronaut bie de Nasa."

"Och jonges, " zèet d'r driejde " wat miengtd'r uch noe toch?

Mienge pap is d'r sjnelste! Dèe wirkt bie de gemingde va neuëge bis vief en is ummer um drie oer heem."

 

Familie

Op 'ne goo mörge geet d'r pesjtoer 't hoes oet en ziet op d'r sjtoep 'n doeë èzel liegke.

Heë wit neet zoe good wat'e dao mit mot en belt d'r burgemeester op.

Dat dèe dat deer mer lut weghoale.

"Los eur probleme zelf mer op." zèet d'r burgemeester, dèe d'r pesjtoer gaar neet kint oetsjtoa.

" 't Is oeteindelek 't werk van 'ne pesjtoer um de doeë te begrave, of neet soms?"

Mé d'r pesjtoer is flot:

"Daorum bel ich noe jüs! De kirk sjrieft mich vör, dat ich ieësj de familie mot informere."