Mam

 

D’r pap vingt, dat ’t de huëgste tied wedt, dat zienge Thei an de vrouw geholpe wedt,
mé zoeget kinste natuurlek neet forsere.
Heë guft ‘m op ‘ne zotterdigmiddig € 200,- en zèet:”Hie, jong, gank noe mer ‘ns nao de sjtad,
zeuk dich ‘ne gezellige kaffee en laot dich ‘ns lekker verwenne durch de vruikes.”
D’r Thei geet mit d’r trein nao de sjtad, drinkt zich e paar pilskes,
bekiekt zich ’n sjun film en dan opins kumte de oma teëge.
Heë vertilt häör wat d’r pap gezag haat en lut de € 200,- zieë.
“Mé jong,”zèet de oma da “ dat is toch zung van al dat geld.
Kom mer mit mich mit, da zal ich dich ‘ns verwenne
en zoe vanalles get liere, watste mos wete vör te trouwe.”
D’r volgende daag is d’r pap erg benüjd wie ’t d’r Thei vergange is,
mé went dèe vertilt van de oma, rupt d’r pap:
”Wat??!!! Bis doe mit mieng mam nao gebid gewes?”
“Ja, en…???  Wie dik bis doe dan al mit mieng mam nao gebid gewes?”

 

Jachhond

D’r jachhond van d’r Math is gesjtorve en heë geet nao d’r fokker vör ‘ne nüje.
Dèe haatd’r drie oet éé nis: ‘ne richtige goo vör € 1500,-, mé dat vingt d’r Math te väöl geld.
“En dèe van € 500,- is ooch redelek good” zèet d’r fokker, mé dat wilt d’r Math toch neet aahange.
“En dizze sjtroeppie kost € 50,- .
Dèe drinkt iddere mörge twieë jonge klaore oet d’r drinkbak en elke middig nóg ins.
In d’r ovvend kriet’e dan nog e glaas whisky.”
“Jao mè,”zèet d’r Math “dat is ‘ne sjunne pries, mé dat kan toch zieëker ginge richtige jachhond zieë!”
“Dat neet,”zèet d’r fokker “mé ’t is waal d’r gezelligste van de drie.”

 

Kapsel

'n Koppel haat zich liere kinne mit 'n kontaktadvertentie
en truft zich in e good restaurant um  vör de ieësjte kier same te eëte.
Nao d'r twidde gank zèet de vrouw:"Ich mot dich toch mer direk get vertille,
wat belangrijk zow kinne zieë, es dit op 'n relatie zow oetdrieëne.
Wentste va ge werk heem kums en ich höb de sjei links in de haore,
da höb ich absoluut ginge zin in seks, en ooch neet went ich ze rechs draag.
Höb ich de sjei in 't midde, da kinste d'rvan opaa, dat ich grellige zin höb.
Ich ving, datste dat noe al mots wete."
Nao d'r driejde gank zèet d'r man dat'e ooch get mot vertille:
"Ier ich gao wirke, drink ich twieë sjnaps, mit sjafte mitstal drie
en ier ich nao heem kom, nog twieë whisky in de bar.
Bie 't ovvendeëte dan twieë glazer roeë wien.
In d'r loop van d'r ovvend geet die flesj da wal lèeg,
en daonao kan 't mich niks mie vrekke, wie's dich de haore höbs."