Bougie
Onderwèèg nao d'r volgende klant kriet 'ne vertegenwoordiger pech an d'r wage.
't Dink sjleet gewoon aaf en deet gaar niks mie. Sjlechter kós heë 't gaar neet treffe.
Heë sjteet midde tussje de weië en de ieësjte boerderie liegkt zieëker 'ne kilometer wier.
An de ander zie van d'r tankeldraod kumt e broen peëd 'ns nüjsjierig nao 'm kieke,
e wit blieft gewoon durchgraze.
Heë deet zich d'r jas oet, sjtröpt zich de moewe óp
en geet one väöl hoop mer 'ns ónder de moterkap kieke.
Autotechniek is neet direk zienge sjterkste kant.
Wente e paar menute nao d'r moter haat sjtoa te sjtare,
huurte achter zich ópins inge zigke: "Vittige bougie!"
mè wente verwónderd ónder de moterkap oetkumt ziete gee miensj,
alling dat broen peëd mit d'r kóp uvver d'r draod.
Heë geet mer wer wier mit doa es offe versjtand d'r va hui,
en effe later huurte alwer: "Vittige bougie!"
en ginge in de buurt; dat mót 't peëd gewes zieë!
"Ich kin neet mieë es 'ns nao de bougies kieke"
dinkte dan en trikt de kabele lós.
Verdómd, 't is nog woer ooch, de bougies zunt richtig vittig.
Heë makt ze good zuver en d'r wage löpt wer wie e klökske.
Bie de boerderie sjtópte effe en vrugt offe zich de heng maogt wessje,
en mit de heng ónder de kraan vertilte de boerin
wat 'm is uvverkoame mit dat broen peëd en de vittige bougies.
"Jah, hier, dat zal ich uch zigke,"
zèet de boerin dà "d'r höbt nog geluk gehad,
dat 't broen peëd is koame kieke,
want dat wit haat überhaupt gee versjtand và wages.
Rotonde
'ne Jónge kater ziet óp 'ne ovvend drie groeëte katers
achteree durch de sjtraot lope.
"Woe gaot deër hee?" vrugte gans nüjsjierig.
"Veër gunt póppe." is 't antwoad "Doe kins mitgoa wentste wils."
En mit 't ketje es veerde sjlete ze e paar menute later aa bie 'n ander,
väöl langer riej katers, mit d'r oudste vöróp.
Dà kómme ze bie 'n groeëte rotonde en went ze hos rónd zunt,
wit d'r aveurder d'r weëg neet mie.
Daorum löpte nog twieë kier um de rotonde heen,
mè dà witte 't nog ummer neet.
Opins hure ze gans achtera in d'r óptoch d'r jonge kater zigke:
"Zo jónges, noe póp ich nog éé röndje mit en dà gaon ich nao heem."
Klaatsj
In 'n coupé van d'r trein zitte 'ne Hollender, 'ne Belsj, 'n non en 'n knappe mokkel.
Opins vuurt d'r trein durch 'ne lange, duustere tunnel.
Da hure ze, dat ieëmes ing flinke gewatsjt kriet, mé 't blieft sjtil in de coupé.
De mokkel dinkt:"Zow inge van die twieë noe werkelek die non lestig gevalle höbbe?
De non dinkt:"Groeët geliek mokkel, dat zow ich ooch neet pikke."
D'r Belsj dinkt:"Mesjien höb ich gewoon pech gehad;
dèe Hollender zoot natuurlek an die mokkel te friemele,
en wie 't 'm ing wool watsje, haate zich jüs gebükt."
D'r Hollender dinkt:
"In d'r volgende tunnel watsj ich dèe Belsj wér ing."