Nao d'r bok
Op 'ne goo mörge kumt 't Frenske te laat in de klas:
"En, Frenske, woerum biste dis kier mer wer 'ns te laat?"
"Tja, meester, ich mós mit de geet nao d'r bok goa."
"Jao mèh, kós d'r pap dat dan neet zelf doa?"
"Mèh, meester.....!"
Kerdang
"ne Chauffeur van 'n groeëte kombinatie is al e paar sjtónd ónderwèeg óp de autobaan,
wente ópins 'n nette jóng vrouw langs de óprit ziet sjtoa mit d'r doem umhoeëg.
Nao 'ne sjnelle blik in d'r sjpegel, zitte d'r wage an d'r kant en lut de vrouw isjtappe.
Ze is richtig vroeë, went ze huurt wie wied ze, wat hem betreft, kint mitvare.
Nao e paar kilometer vrugt ze, wie ze 'm zów kinne bedanke vör zoe'n lang rit.
Zónder zich te bedinke zèet d'r chauffeur:
"Och, dao zów ich wal get vör wete, mè ich wil uch neet forsjere."
"Zo," zèet de vrouw "dus doe wils 'ns mit mich vrieë, es ich 't good begriep.
Dao vilt wal uvver te kalle, mè toch zieëker neet in die kling kabien hie.
En 'n motelkamer wedt direk erg duur."
"Nou ja," zèet d'r chauffeur "ich weet wal get.
Ich zit de kombinatie óp 'n rustige parkeerplaatsj en v'r ligke ós óp 'n dikke ónder d'r wage.
Dao zal nog ginge óp litte."
Effe later liegke ze ónder d'r wage flink te vrieë,
went d'r chauffeur ópins twieë lère sjtivvele neëve zich ziet sjtoa.
E kiekt 'ns umhoeëg en ziet dat 't 'ne blauwe is.
"Eh, ja, zeetd'r meneer," zèete one zich te bedinke
"ich bin effe an't sjleuëtele, dao zit get lós an de kerdang."
"Kiek dan inins effe nao de handrem," zèet d'r blauwe dà
"want d'r wage sjteet intussje twintig meter wier."
Mallorca
'ne Man kumt mit zie köfferke 't vleegmesjieng in en ziet dat óp zieng plaatsj 'n blón pöl zit.
Heë lut häör d'r plaatsj-noemer op 't ticket zieë, mè dat hölpt gaar niks.
"Ik ben 'n dom blondje, en ik ga naar Mallorca!" dat is alles watte te hure kriet, mè 't sjteet neet óp.
Ooch de stewardes kriet häör neet van die plaatsj aaf.
Die bedinkt zich dan neet lang mie en holt d'r ieësjte piloot.
Dèe wiezjelt häör get in 'n oer en direk sjteet 't kink óp en geet nao de ege plaatsj.
D'r man bedankt zich en geet zitte.
De stewardes löpt mit d'r piloot mit nao de cockpit en vrugt onderwèeg watte häör in dat oer gewiezjeld hou.
"Och," zèet dèe "ich höb häör gewoon gezag, dat dizze kant van 't vleegmesjieng gaar neet nao Mallorca geet."