D'r Harie geet vör de ieësjte kier parachutesjpringe, gans alling. Heë wit nog precies watte mót doa.
Sjpringe, pis drie tille en dan an 't tuike trikke, dà geet dat dink vanzelf oape.
One floep sjpringte oet 't vleegmesjieng en tilt pis drie.
Dan trikte an 't tuike, mè dat dink geet neet oape!
"Geen paniek!" dinkt d'r Harie "ich höb ooch nog 'ne reserveparachute."
Mè of d'r duvel 't deet, dèe kumt ooch neet oet de tuut.
Ondertussje zoest d'r Harie al ummer sjneller óp de eëd aa
en dà beginte toch floep te kriege.
Opins ziete van ónderóp inge umhoeëg kómme gevlege.
"Hei!" rupt d'r Harie, wente get kotterbie is "höbstoe versjtand va parachutes?"
"Nee," rupt d'r andere man, wente langsvlügt "alling va gaasforneuze!"
Opa Max
D'r opa Max wedt 100 en dèe mörge kriete bie d'r koffie 'ne kook mit éé ketske.
Daonao gete mit zienge zoon en dem zieng vrouw 'ne groeëte toer
van 'ne daag durch de ganse sjtrieëk make.
Mesjien is 't wal de litste kier, dat d'r opa dat allenuj nog 'ns kint zieë.
't Wedt richtig 'ne sjunne daag en 't wèer is ooch good.
Meug, mè kontent, bringe ze d'r opa Max wer nao zieng kamer in 't bejaardehoes.
"En pap, wie waor 't dich bevalle?" vrugt d'r zoon, went ze good en waal zitte.
"'t Waor 'ne leuke tocht en ich höb mich hieël good geammezeerd,"
zèet d'r opa dan "mè wat ich toch nog 't allersjunste vónd, waor,
dat ze uvveral van die groeëte borde vör mich houwe neergezat mit Max 100."
Rietje
'ne Ouwe man kumt bie d'r dokter en vrugt zich íng Viagra.
D'r dokter graait 'ns in de la en vingt dao nog e monster mit nog drie pille d'rin.
Heë lèet ing daovan vör zich op d'r buro.
"Kintd'r mich die ooch gans kling make mit de vijzel?"
D'r dokter vrieft de Viagra gans fie en kiept 't poeder op e velke papier.
"Zoe good, hier?"
"Bienao," zèet d'r gries "höbtd'r mesjien ooch e rietje vör mich?"
"Väöl gekker mot 't toch neet wedde!" dinkt d'r dokter, mè holt toch e rietje oet de kas.
Da sjuuft d'r man 't Viagrapoeder in e lijntje,
zit 't rietje an de naas en sjnoeft alles nao binne.
"Mè meneer," zèet d'r dokter "zoe mot me Viagra toch neet gebroeke!"
"Och, witd'r dokter, op mienge lèeftied zit d'r seks alling nog tussje de oere."