Liekske

 

D'r opa haat de oma zoe wied gekreëge, dat ze dizzenovvend nog 'n kier e nummerke zulle make,
mé went ze eemaol get geknoeveld höbbe, merkt d'r opa, dat 't mit de erektie neet mie wilt lukke.
"Wach effe, ich bin zoe trük." zèete en geet nao onder.
In de wonkamer sjloopte e sigarekiske en plekt zich twieë
van die dun sjtriepkes hoot langs d'r piemel.
Wente wer boave kumt ziete dat de oma zich intussje de gries miem mit maskara zjwat gemakt haat.
"Wat is noe loos? Woerum biste opins in de rouw?"
"Och ja, ich dach, went geliek zoe liekske nao binne gebrach wedt……."

 

Biechte

't Harieke is in 't park, achter 't hoes an't sjpeële, wente get huurt tussje de sjtruuk.
Dao ziete 'n koppel liegke te vrieje.
"Doe kries van mich € 10,- wentste ginge vertils, datste os gezieë höbs" zèet d'r man."
Dat wilt 't Harieke wal höbbe, mé went ze effe later t park oet gunt,
löpté toch nog sjtiekem achter d'r man aa bis an zie hoes.
Heë belt aa en zèet:"Noe weet ich ooch nog woeste wons, dat kost nóg 'ns € 10,-."
Wente bie 't eëte vertilt wat'e dèe middig mitgemakt haat, zèet d'r pap:
"Zoe geet dat ech neet! Gank mörge ieësj mer biechte, en dan geeste dèe man die € 20,- trükbringe."
D'r volgende mörge went 't sjuufke van d'r biechsjtool oape geet, zèet 't Harieke:
"Noe weet ich ooch nog woeste wirks, dat kost dich minstens nóg € 20,-!"

 

Griene

Went d’r Christus mit dat zjwoer hote krüts kumt aagesjlepe,
sjtunt dao ooch get vrouwlüj langs d’r weëg te griene.
“Doe erme keël, wat höbbe ze toch mit dich gedoa,
dat zjwoer dink krieste toch vanzelève neet d’r berg Golgotha opgesjlipt!”
“Och kinger,” zèet d’r Christus da “ich zal ’t mer gewoon probere, mé pin mich neet d’rop vas.”