Sjoon
D'r Paul wónt al jaore in 'n flat en dat bevilt 'm good.
Alling d'r litste tied haate zich wal 'ns e paar kier ópgereegd.
Zoeget 'ne mond gelèe is boave 'm 'ne nuje igetrókke.
Dèe is ooch mer alling, mè geet dik en laat oet.
En wente dà trük kumt, geet 't neet ummer eëve sjtil baove d'r Paul.
'ne Hoop rament mit de väördäör en de sjteul in de kamer,
en dan óp de sjlaopkamer... bowstig!
dao vlügt d'r ieësjte sjoon durch de kamer en effe later d'r twidde.
Wentste zat bis geet dat neet mie zoe sjnel en al gaar neet sjtil.
Nao d'r twidde sjoon is 't ummer direk sjtil, e zal wal mit kleier en al aa i sjlaop valle.
Dà kint d'r Paul wer wier sjlaope. Mè nao de zoeväölste kier haate 't toch sjteif:
"Mörge zigk ich get d'rvan!" numte zich vör.
D'r nuje naober is gans verwónderd.
Dao haate noe nog noeëts bie sjtilgesjtande,
dat ieëmes andesj las van hem kós höbbe.
E verontsjuldigt zich direk bie d'r Paul en beloft dat 't neet mie zal gebäöre.
Wente 't zotterdigs d'róp heem kumt deete extra sjtil mit de däör,
sjunkelt nao de slaopkamer en leut zich óp ge bid valle.
Djü, noe nog die verrigkde sjoon oet!
Heë trikt d'r ieësjte mit väöl meute oet en wörpt 'm de kamer in...
"Juzzes, d'r Paul sjlupt al" dinkte dan "ich zów sjtil doa!"
en gans rustig zitte d'r andere sjoon neëve 't bid.
E leut zich achteruvver valle en sjlupt wie 'ne os.
Mè vief menute later huurte van ónder ópins d'r Paul brulle:
"Godmieljaar, keël, noe werp dèe twidde sjoon, dà kin ich gao sjlaope!!!"
Kratse
'ne Man kratst zich óp de brós en vrugt an zienge vrund:
"Wat haat 'n vrouw went ze zoe deet?"
"Ich zów 't neet wete." zèet d'r vrund.
"Neet väöl", antwoadt d'r man "want andesj deug ze wal zoeë!"
en daobie kratste zich zoe'n tieën centimeter vör de brós.
Raone
Peter, d'r man van Thuisbezorgd, kumt in de sjtraot en ziet
achter hoesnoemer 10 e lake an d'r draod hange mit zieëve ron loaker d'ri.
Went de vrouw Bieëmelmans an de däör kumt,
wilt d'r Peter dao toch wal get mieë va wete.
"Och," zèet die "v'r höbbe gisterovvend d'r koejongklub hie gehad en get sjpilkes gedoa.
Me hingt dat lake op en zieëve vrouwlüj gunt de kamer oet,
diezelfde zieëve manslüj sjtille zich achter dat lake mit d'r piemel durch e loak.
Da kaome de vrouwlüj ee vör ee nao binne en
motte raone welke man bie idder loak sjteet. Ech e leuk sjpilke!"
"Mie leef vrouw Bieëmelmans, dat is toch noeëts te raone."
"Dat moste neet zigke, Peter, dienge naam woad toch gans get kiere geneumd!"