Te laat
D'r Frens en d'r Sjeng lope durch de sjtad.
"Kkkkkiek 'ns dao," zèet d'r Frens ópins "wa..wa..wat e sjun vvvvvrommesj dao löpt!"
"Woeë dà, Frens, ich zee gee sjun vrommesj."
"Ddddoe kkkkieks ooch te..te..te laat!!
Effe later d'r Frens wer: "M..m..mieljaar, wat inge sjsjsjiekke auto, noe kkkkiek toch 'ns, Sjeng!"
"Oh jao? Woeë dà?"
"Ddddoe kkkkieks ooch te..te..te laat, e is is is jjjjüs 'n zzzziejsjtraot in!"
Ze lope nog get wier en dà begint d'r Frens alwer: "Sj..Sj..
Sjeng, pas pas pas....."
"Jao, jao," ónderbrikt 'm d'r Sjeng get vregelig "ich höb 't al gezieë!"
"We..we..wentste 't al gggggezieë höbs, woe..woe..woerum trapste dà dddddrin?"
Euro
D'r opa zit mit d'r kling Mattie in 't park óp 'n bank in de zón.
Ze höbbe al uvver vanal gekald en d'r Mattie vervèelt zich noe wal e bietsje.
Dà vilt d'r opa get in: "Zigk, Mattie, zieste dèe pirring dao uvver 't graas kroepe?
Wentste dem wer trük in 't loak gedüjd kries, krieste 'ne euro van mich."
D'r Mattie kriet zich d'r pirring 'ns i gen heng en bekiekt 'm va alle kante.
Dan probeerte 'm vörzichtig in dat klee broen löakske trük te düje, mè dat geet neet.
Opins vilt 'm get in.
Heë hult d'r pirring an de ing zie vas en sjtriekt 'm mit drie vingere van de ander hand
e bietsje sjtrak langs 't lief, gans pis ónder, 'n kier of veer.
D'r pirring wit neet wat an 'm is en sjteet sjtief wie 'ne pótloeëd.
Gans vörzichtig sjüft d'r Mattie 'm dan trük in 't löakske,
en gruëtsj hulte de hand óp vör d'r euro van d'r opa.
'n Menuut of vief later gunt ze nao heem; eëte tv kieke en nao ge bid.
D'r volgende mörge kumt d'r opa de kamer in,
lèet d'r Mattie nog 'ne euro neëve d'r telder en zèet: "Hie jóng, dem krieste nog van de oma."
Tapeet
D'r Peter en 't Maria wonne onder ing kap mit d'r Sjef en 't Nelke.
Went 't Maria zèet , dat 't 'ns tied wedt vör 'n nüj tapeet in de wonkamer,
dinkt d'r Peter direk an d'r Sjef.
Dèe haat genau dezelfde kamer en haat e haof jaor gelèe pas getapesseerd.
Heë belt d'r Sjef op en vrugt wieväöl rolle tapeet heë gegolle houw vör de wonkamer.
"23" zèet d'r Sjef zonder zich te bedinke.
D'r Peter zeukt mit 't Maria 'n sjun tapeet oet en geet mit 23 rolle op heem aa.
Went de wonkamer gans veëdig is, haate vief rolle uvver.
Dao sjnapte niks va.
Heë belt direk d'r Sjef op en vertilt 'm datte vief rolle uvver haat.
"Veër höbbe toch dezelfde kamer, wie kint dat dan?"
"Tja, dat klopt," zèet d'r Sjef
" 't is genau dezelfde kamer, ich houw ooch vief rolle uvver."