Kanarie

Kumt 'n vrouw bie d'r dókter:
"Dókter, mienge man geet d'r litste tied al ummer mieë óp 'ne kanarie lieke."
"Wíe zigkd'r mevrouw? Lieke óp 'ne kanarie?
Wie mót ich mich dat vörsjtille?"
"Ja, ich mieng,
E sjtruit al ummer mieë mit zieng zäödsjes."

 

Zón

 

D'r Wiel geet bie Mondriaan 'ne uvversjpanne vrund opzeuke.
Tussje de parkeerplaatsj en d'r ingank vrugte an inge man wie laat 't is.
Dèe holt e sjtekske oet d'r jas mit e köadje d'raa en sjtikt dat i gen eëd.
Dan trikte 'ne krink en begint mit 'n rólmaot te meëte
wie wied d'r sjèem van 't sjtekske boete d'r krink oetstikt.
"Is 't hüj d'r 14e mei?" vrugte dà an d'r Wiel.
Dat klópt.
"Dan is 't genau 15.36 oer."
D'r Wiel wit neet wie'e 't haat.
"Dat höbtd'r good gedoa meneer,
mè... es de zón noe 'ns neet sjiengt???
Wat dootd'r dan????"
"Och, dat zal ich uch zigke, dà kiek ich op de oer."  

 

Homo

 

D'r pap en de mam zitte bieëe mit hun drie groeëte kinger, twieë jonges en ee medsje.
Opins zèet d'r iesjte zoon:"Tja, pap en mam, "ich moet uch get vertille, ich bin homo."
Pap en mam motte 'ns effe sjlikke, mè ja, die jong lüj zigke die dinger gewoon rechoet.
Ze kalle mer gewoon wier uvver 't sjlech wèer van de litste daag
en nao zoe'n tieën minute zèet d'r twidde zoon:
"Tja, da mot ich 't ooch mer vertille, ich bin ooch homo."
"Mie leef Herrgöttje, " rupt d'r pap dan mit de erm iggen loch
"is hie da gaar ginge mieë dèe van de vrouwlüj hult?"
"Mè zieëker, pap,"zèet de dochter dan, "ich!"