Kok
Op e marinesjip kumt d'r kok bie d'r dókter en zèet:
"Och dokter, ich wed d'r litste tied toch zoe sjerp went ich werm friettevit of bótter ruuk,
da kus ich 'm diks gewoon in d'r friettesniejer sjteëke!"
D'r dókter kiekt 'ns in e diek book en sjrieft e recept vör pilkes, en uvver virtieën daag trükkoame.
"Nee dókter," zèet d'r kok nao die twieë weëke, "die pille van uch helpe ginne kloeët.
ch höb ze iddere daag gesjlikt, mè lits bin ich toch in de keuëke wer zoe sjerp gewoade!
Ich kos mich neet mie ihotte en doe höb ich 'm mer in d'r friettesjniejer gesjtoake! Doe waor 't uvver."
"En wie is dat aafgelope?" vrugt d'r dókter.
"Tja, mich höbbe ze óntsjlage en d'r friettesjniejer ooch."
Rugk
In 't MECC wedt e groeët congres gehotte van de NVSH afdeling Limburg.
't Is wie idder jaor erg druk.
Dizze middig wedt naovraog gedoa bie de lüj in d'r zaal, wieväöl variaties ze kinne um te vrieje.
Koom haat d'r man mit d'r mikrofoon gezag, datte durch d'r zaal zal kómme,
of achteraa begint al inge te rope: "Achentachtig! Achentachtig!"
"Jao meneer, dat is good," zèet d'r man gans rustig
"ich kóm zoe ooch bie uch, mè ich begin noe emaol väöraa."
Op de ing plaatsj kriet d'r man 'ns e hoeëg ciefer te hure en örges andesj e leeg.
Mè idder kier rupt dèe man achteraa wer: "Achentachtig! Achentachtig!"
Went dan ópins inge zèet:"Ich kin mer íng meneer." wedt 't toch effe gans sjtil in d'r zaal.
Ooch d'r man achteraa hult zich sjtil.
"En wie geet dat dan?" vrugt d'r man mit d'r mikrofoon gans benüjd.
"Joh," zèet d'r man "de vrouw lèet zich óp de rugk en da kroep ich d'r óp en da vrieje v'r."
En koom isse oetgesjproake of d'r man achteraa begint te rope:
"Neugenentachtig! Neugenentachtig!"
Glaze auw
'ne Man mit e glaze auw löpt durch d'r bösj te wandele.
Wie d'r man nao dat óngeluk óp de fabriek e glaze auw krèeg,
vrooge an d'r dókter of dao noe gaar niks mie aa te doa waor.
En d'r dókter zag: "Wentste geluk höbs en doe bis toevallig bie e óngeluk woe ieëmes doeëdblieft,
kinste probere ofste zoe auw van dèe doeë kins pakke.
Da höbste e hieël klee kenske dat dat asjleet, mè ich kin dich niks belaove."
Dat is noe al wer e paar jaor gelèe, mè heë haat 't nog ummer good ónthotte.
Me kint jao noeëts wete.
Opins huurte van achter zich 'ne moter aa kómme gesjnäöre.
"Dèe vuurt toch zieëker väöl te hel." dinkt d'r man en mít isse al langs um durch.
"Went dat mer good geet in dèe sjerpe boch dèe geliek kumt."
dinkt d'r man nog en effe later huurte 'ne hoop rament en d'r moter is sjtil.
D'r man geet 'ns get sjneller lope; heë dinkt ópins wer an zie glaze auw; wèe wit?
D'r moter liegkt in 'n vouw teëge 'ne boom en d'r man vör doeëd d'r neëve.
Heë vult 'm 'ns an d'r hals: dèe is doeëd!
Heë kiekt nog 'ns um zich hee, friemelt d'r doeë 't auw oet datte nuëdig haat, en verwisselt 't mit zie glaze.
Mè dan sjteete mit dat glaze i gen heng.
Dat wilte toch ooch neet zoemèr in de sjtruuk werpe.
Opins witte 't: heë düjt 't in de lèeg kas van d'r doeë.
Zoe zal 't nog 't minste ópvalle, watte gedoa haat.
En mit goo mood wandelte wier óp heem aa.
Wente d'r volgende daag de gezit oape deet,
ziete 'n foto van d'r doeë neëve zienge moter en d'r boave sjteet:
"Man met twee glazen ogen rijdt tegen boom."